2 dagar til stefnu :)

jæja nú fer óðum að styttast í Londonferðina mína :) Legg af stað núna á föstudagsmorgun....jííííhhhhaaaaa........Mæting kl. 4:55 í vinnuna mína í Gardabæ. Þaðan er ferðinni heitið á Keflavíkurflugvöll. Við ætlum að vera komnar fyrir 6 því þá fáum við ókeypis morgunmat. Síðan höfum við alveg heila 3 tíma í fríhöfninni. Enda er það ekkert lengi að líða. Sérstaklega þegar maður þarf að fara að endurnýja allt make uppið.....Annars erum við 14 konur sem erum að fara saman í verslunarferð :) Veit að það er komin solítill skjálfti í Svenna greyið, en honum líst ekkert á blikuna. Hann hefur nú góða reynslu af mér og silfurlitaða vini mínum. Og ég skil hann ósköp vel. En ég er nú búin að lofa honum að haga mér vel og eyða ekki öllu sparifénu á þremur dögum :)
Nei....ég get þetta....ég kaupi bara það sem mig nauðsynlega vantar.... :) haft orðrétt eftir Svenna kallinum.
Annars erum við að skoða íbúðir á fullu núna og það svona heldur aðeins aftur af mér. Vorum einmitt að skoða íbúð í gær í Salahverfinu í Kópavoggi. Okkur leist mjög vel á hana, en þar sem við erum orðin svo kröfuhörð þá var hún ekki alveg það sem ég myndi vilja kaupa. Stofan var of lítil og húsið ekki alveg nógu sjarmerandi svona séð utan frá.

Lon og don

Nú ferð óðum að styttast í verlsunarferdina mína til Londonn. Ég er sem sagt að fara í 3 daga til Londonn með 14 konum úr vinnunni. Við leggjum af stað föstudaginn 14. nóvember og komum aftur til baka á sunnudeginum. Við byrjum á því að skoða höfuðstöðvarnar hjá Baugii Grooupp í Londonn. Verður örugglega svaka gaman. Síðan verður náttúrulega aðal áherslan lögð á að versla föt og jólagjafir. Við erum búnar að panta borð á fínum og flottum veitingastað sem heitir Cirkuss og er víst svona soldið framandi. Annars er ég ekki mikið fyrir að smakka eitthvað svona nýtt og framandi. Verð helst að vita nákvæmlega hvað ég er að borða. Er nefnilega með ljótan ávana að þurfa að skoða mjög nákvæmlega hvað ég er að borða. Verð að venja mig af þessu áður en ég fer út. Ljótur ávani.
Annars verður þetta örugglega alveg ferlega gaman :)

Brúðkaup

Hæ, hæ....

Er að fara í brúðkaup um helgina. Eva vinkona er að fara að gifta sig honum Rúnari og verður brúðkaupið haldið á Laugarvatni. Ég ætla bara rétt að vona að veðurguðirnir verði þeim hliðhollir og láti sólina skína skært. Eva er búin að redda sumarbústað fyrir þá sem vilja gista og verður þetta örugglega alveg meiriháttar. Allavega gott að þurfa ekki að keyra í bæinn eftir gleðskap kvöldsins ;) Hlakka allavega mikið til að sjá kjólinn sem Eva verður í en hún splæsti víst kjólnum á sig. Örugglega gaman að eiga brúðarkjólinn svona seinna meir.

Er einmitt að fara með Ernu í bæinn á fimmtudaginn til að versla gjöfina. Einhverjar uppástungur um góða gjöf?

Heyrumst......

Sólarkvedja frá Costa del Sol

Holah!

Er búin ad vera í rúma viku hérna á Costa del Sol. Alveg frábaer stadur! Vaknadi snemma í morgun og skellti mér í sólbad. Gardurinn vid laugina er hreint út sagt gedveikur. Bar í lauginni og alltaf fín tónlist. Komin med nokkud gódan lit eftir alla útiveruna :)
Í gaer fór ég í ferd til Gíbraltar. Sá fullt af litlum saetum opum. Madur vard ad ríghalda í allt lauslegt thví aparnir eru med einhverja stelsíki og alveg hraedilega hrekkjóttir....en ótrúlega saetir og krúttlegir. Gíbraltarferdin var alveg stórskemmtileg og endudum vid ferdina á snekkjubátahofn sem ég man ekki alveg hvad heitir í augnablikinu en thar voru fjórar risasnekkjur sem einhver forríkur kall frá Marokkó á víst. Held hann sé kóngur.....En tharna mátti sjá fullt af flottum sportbílum upp á nokkrar millur. Sá Ferrari sportbíl ....ekkert smá flottan. Sídan voru flottar búdir tharna...fínar merkjabúdir...eins og Gucci o.fl. á orugglega eftir ad kíkja aftur thangad ádur en ég kem heim....

Annars er thetta búid ad vera hreint út sagt algjor draumur í dós....búin ad flatmaga alla daga...drekka bjór og búin ad fara á marga fína veitingastadi og fá mér feitar og fínar steikur.....hvad gaeti verid betra.......

Bid ad heilsa ollum heima....

Kvedja Herdís

Hæ, hæ  nú fer að styttast í það að ég fari til Costa del Sol á Spáni. Ætla að skella mér út núna 27. júlí þar sem ég ætla að dvelja á glæsihótelinu Benal Beach. Eldri systir mín var á þessu hóteli fyrir svona 15 árum eða svo og þá var ég alveg dolfallinn yfir hótelinu. Það er mega sega stór rennibraut í garðinum við hótelið og svo er líka bar ofan í sundlauginni : ) Þetta verður svaka stuð. Ætla að flatmaga í sólinni og helst ekki hreyfa á mér bossann í tvær vikur. Besta hvíld sem hægt er að fá. Hlakka til að fara á öll fínu veitingahúsin og borða steik á hverju kvöldi og rölta svo um götur bæjarins og skoða mannlífið. Þetta verður alveg geðveikt!

Tíminn líður hratt.....á gervihnattaöld.....ertu stundum .......

jæja...ég trúi þessu varla....akkúrat mánuður síðan ég skrifaði síðast...hvar hef ég eiginlega verið....hummmmmm....en ég verð bara að segja að mér finnst tíminn líða alltof hratt......en nóg um það...ég er nú búin að gera ýmislegt síðan ég skrifaði síðast..ég fór í sumarbústað í Húsafelli í heila viku...eða veirufell eins og sumir kjósa að kalla það. Ég fékk þetta fína veður allan tímann. Og náði að liggja í sólbaði í næstum tvo heila daga. Húsafell er náttúrulega algjör draumur í dós.

Á morgun er ég að fara að gróðursetja alls konar tré á sumarbústaðalandinu mínu fallega í Grímsnesinu....Ætlum að hittast öll fjölskyldan...og grilla og hafa það næs í kyrrðinni... Um kvöldið ætla ég síðan að fara á djammið með matrix-saumaklúbbnum mínum. Við ætlum að hittast heima hjá Erlu perlu og borða góðan mat og skella okkur svo á djammið um kvöldið...Enda orðið langt síðan við tjúttuðum saman...

Ps. Ætla að setja inn nýjar myndir eftir helgi af sumarbústaðaferðinni og Emblu krúttínu..... :)

Veðrið er hreint út sagt alveg frábært í dag....aldrei að vita nema maður skelli sér bara í laugina og reyni að fá smá lit á kroppinn....Á líka alltaf eftir að prófa nýja bikiníið mitt....keypti mér þetta flotta bikini í útilíf um daginn...svona barby bleikt..ótrúlega flott. Er allt í einu komin með bleiku veikina aftur eftir langt hlé. Heillast mikið af öllu bleiku þessa dagana og skil ég ekkert í því af hverju ég er búin að horfa fram hjá þessum lit síðustu ár. Var alltaf í bleiku þegar ég var yngri og kannski svona of lengi. Var örugglega komin í áttunda bekk þegar ég var ennþá í flottu bleiku úlpunni minni.....var algjört baby...já alltaf gaman að rifja upp gömlu góðu dagana.

Í gær skellti ég mér á línuskauta í Nauthólsvíkinni með Ernu. Við hittum líka Evu en hún hjólaði alla leið úr Árbænum til að hitta okkar. Við skemmtum okkur alveg ótrúlega vel enda veðrið eins og best verður á kostið. Það er náttúrulega alveg nóg að gera hjá Evu þessa dagana en hún er að fara að gifta sig núna í sumar honum Rúnari sínum en brúðkaupið verður haldið á Laugarvatni.

Ég horfði á lokaþátt Paradise Hotel í gær. Þetta er nú meira bullið. Missti allt álit á fólkinu sem búið var að reka þegar það fór að skíta þá út sem voru komnir fjögurra manna úrslit. Fannst kommentin hjá þeim ótrúlega barnaleg og hreint út sagt glötuð. Þetta kennir manni að sumir þroskast ekkert með aldrinum og eru alltaf eins og þeir séu 12 ára og virðast ekki losna við gelgjuna. Alla vega fannst mér mjög erfitt að horfa á það þegar þau voru að skíta hitt fólkið út.....maður bara trúir ekki að fólk geti verið svona vont....en allavega var ég mjög ánægð með úrslitin. Hélt alltaf með Dave en hann var farinn að fara eitthvað í taugarnar á mér þarna í lokinn...greyið...

....jæja nú fer að líða að miðvikudagskaffinu hérna í vinnunni og get ég varla beðið mínútunni lengur því ég er orðin glorsoltin.....uhhrrrrrrr

síja